آغ گون                                   

               شپه شپه سنی ایستیر یئنه بو قانلی دنیز

               دئنن هاچان گله جک سن هاچان؟ بویوک چنگیز!

               هله ده کی هله دی بسله ییر سنی ساحیل

               هله ده کی هله دی آغلاییر سنی ائلیمیز

               گونش باتیبدی ... داها  یاس توتوبدی  آخشاملار

               شهرلریمده ده دای یوخدی سس سمیر سن سیز

               نه آی واریمدی نه اولدوز اولورسا دون گئریه

               و پارلاق اولدوزوم اول  بیرده بیزله گؤستر ایز

               کوچه یئنه سنی گؤزلیر، اتاق یئنه داریخیر

               گولومسه ییر بو په سه رلر  ، بو دار دووارلار هنیز

               یوووبدی پرده نی یاغمور ... ، سیلیبدی پنجره نی!

               یئنه سیلیب ،  سوپوروبدی سنین  یولون نه تمیز؟

               سولوب اتاقدا چیچک لر ، غزل لریم داغیلیب

               داها سنی...  سنی ایستیر غزللریمله بو میز

              اؤلوم دادین وره جه ک دی بو تورکو قهوه یئنه

              بو قهوه چوخ آجی دی ....  چوخ آجی ، آجیلا قَلیز

              اولارسا گَل داها بسدی بو اینتظارلی اؤلوم

              و قویما دای آی آپارسین بیزی داها آی عزیز

              دوعا دوعا سنی سسلیر ازیلسه قوللاریمیز

              قدم قدم سنی چون قارتالیر بو یورقون دیز

              ـ  گؤرورسینیز نه گلیر بیزلره ؟ نه ایزلیییریک؟

              ـ  باخیرسئنیئز؟ ائله  دونیا.... ،  بئله حیایات ... ، بودا بیز ...!

              دئنن هاچان گله جه ک سن؟ قاباق چیخاق آتینا !

            دئن هاچاندی اؤ آغ گون ؟ ، هاچان ؟  ،   هاچاندی عزیز ؟

                                                             وحید طلعت

                          *****************************