| تبليغات | X |
دنیز خانـیم
آچ قوللارین آپار اؤزونه چک دنیز خانیم
بوغ گؤزلرینده بیرده منی آی عزیز خانیم
گؤیلرده یوخدی اولدوزوم آنجاق بیلیرسینیز؟
سیز سیز اؤلوم ، یاشام ، حایاتیم تکجه سیز خانیم!
شیعریمده بیر گؤزل قاراشین نازلی قیز یاشیر
بیر نازلی ساچلی دی اودا سیز سیز هنیز خانیم
دونیا نه ایسته ییرسه بیزی آیری ایسته میر
منلن سیزیک باخین ؛ اولوروق "بیرجه" ، "بیز" خانیم
ائوده آغاج ، حه یه ت ، قاپی دا گؤزله ییر سیزی
ایستیر اوتاق بیزی اوتوراق دیز به دیز خانیم
سیز یوخسونوز اتاق داریخیر ، چای آجیقلانیر
سیز یوخسونوز هله دئیینیر منله میز خانیم
سیزدن سؤرا اؤلومدی یاشیر منده هر زامان
سیزدن سؤرا یاشامدان اؤتور" یوخدی ایز خانیم
مندن سؤرا نه فایداسی وار یادیگار قالا !
بیر شیعر دفتریم و داها بیر عکیز خانیم؟
مندن چکین مه یین داها جور باخمایین منه
من قومسالام ، بیر ایتمیش آدا... سیز ؛ ـ دنیز خانیم
وحید طلعت
